Santa Kruz Humilladeroa
FITXA
Izena: Santa Kruz Humilladeroa
Herria: Hernani
Helbidea: Elizatxo, d-3
Auzotegi: Elizatxo
Eskualde: Donostia-Beterri
Herrialde: Gipuzkoa
Tipologia Orokorra: Humilladeroa
Mendea: XVIII
hiribildua.Época: Aro Berria
Estiloa: Hiri estiloa
Balioa: Nahiko ona.
Kontsebazioa: Ona oro har.
Jabetasun: Ondare Erlijiosoa
Jatorrizko Erabilketa: Erlijiosoa
Eraikintza Data: 1767
Gaur Egungo Erabilketa: Erlijiosoa.
Beste Izenak: Elizatxo
Erdi Aroko herrigunean dago, Elizatxo auzora joateko igaro behar den aldapa txiki batean.
Lehenbiziko humilladeroa 1570. urtekoa zen. Oraingoa 1767. urtekoa da eta, Frantzisko Ibero arkitektoaren gidaritzapean, lehen zegoen tokitik herriko ate ondora aldatu zuten, horrela errepidea hobetzeko.
Oinplano angeluzuzena du eraikinak eta estalkiak bi isurki ditu; guztia burdin forjatuzko gurutze batek errematatzen du. Humilladeroetan ohi den bezala, hiru horma itsu ditu, eta aurrealdea irekia du burdin sare handi batekin babestuta. Hareharrizko zutabe batek eusten dio taulamenduari. Kanpoaldea manposteriazko hormatxo batek babesten du, gune hiruangeluarra eratuz.
Aldapan dagoelako, manposteriazko oinarri baten gainean jaso zuten; beste guztia, izkinetako harlanduzko ertzak izan ezik, adreilu emokatuzkoa da.
Barrua -estalki laua du- erabat emokatuta eta zurituta dago. Aldare txiki batean gurutze bat ikusten da. Gurutzea zutabe ildaskatu batean tinkatuta dago eta erliebe bat du basan eta kapitela molorrika-hostoekin; kapitel hau antzinako gurutzadura batetik ekarria da bertara. Gurutzean Kristo dago gurutziltzatuta; anatomia gutxi landua du. Gurutzearen oinean Ama Birjinaren eta San Joanen irudiak daude.