Madalena ermita
FITXA
Izena: Madalena ermita
Herria: Azpeitia
Helbidea: Madalena, 11
Auzotegi: Madalena
Eskualde: Urola Kosta
Herrialde: Gipuzkoa
Tipologia Orokorra: Ermita
Tipologia Zehatza: Arkitektura Erlijiosoa
Mendea: XVII
Estiloa: Barrokoa
Balioa: Oso ona
Kontsebazioa: Ona oro har
Jabetasun: Ondare erlijiosoa
Jatorrizko Erabilketa: Erlijiosoa
Gaur Egungo Erabilketa: Erlijiosoa
Madalenaren ermita barrokoa bisitatu nahi duenak Azpeitira jo behar du; bertan dago, izen bereko auzoan. Ermitak oinplano angeluzuzena du eta teilatu gailurra paralelo zaio fatxadari. Ermitaren atzeko aldea mendirantz dagoelako, bakarrik fatxada nagusia ikusten da.
Fatxada ondoan ataripea dago zirkuluerdiko hiru arkurekin eta hauek ertz gangarekin estalita daude. Arkuak eta horiei eusten dieten zutabeak zementuzkoak dira. Ataripearen gainean dago korua; hau kanpoaldetik adreiluzkoa da eta adreiluok mudejar estiloko marrazkiak eratzen dituzte. Ermitako paretetan hiru leiho daude burdin sareekin. Kanpoaldetik ongi ikusten da eraikinaren kanpai horma.
Ataripetik barrena ermita barruan sartzen bagara berehala ikusiko dugu habearte bakarra duela eta berori gurutze ganga batez estalita dagoela; koru gaineko ganga alabaina ilargixkaduna da. Bi irudi handi daude azulejoz eginak eta horietan San Ignazio ikusten da Berri Ona predikatzen.