Deskripzioa eta oharrak:

Zarauzko Parte Zaharrean dago ermita, etxebizitza batzuen tartean. Lehen garai batean badirudi hortxe inguruan, ondoko enparantzatxo batean, izen bereko ermita zegoela (1610). 1932an zaharra berreraiki zen, orain dagoen lekuan.

Fatxada nagusia nahiko nabarmena da: ojiba elementu dezente du eta alde banatan bi pinakulu sendo.

Arku zorrotz baten azpitik barrena sartzen da barrura. Hor Santa Marinaren irudi bat ageri da, baita beirate txiki bat ere Santa Marina eta Jesusen Bihotzaren irudiekin.