Soreasuko San Sebastian eliza
FITXA
Izena: Soreasuko San Sebastian eliza
Herria: Azpeitia
Helbidea: Eliz Kalea, 25
Auzotegi: Herrigunea
Eskualde: Urola Kosta
Herrialde: Gipuzkoa
Tipologia Orokorra: Eliza
Tipologia Zehatza: Arkitektura Erlijiosoa
Mendea: XVI
hiribildua.Época: Aro Berria
Beste Mendeak: XVII, XIX
Estiloa: Barrokoa
Beste Estiloak: Historizista
Balioa: Oso ona
Kontsebazioa: Ona oro har.
Jabetasun: Ondare Erlijiosoa
Jatorrizko Erabilketa: Erlijiosoa
Eraikintza Data: 1517
Gaur Egungo Erabilketa: Erlijiosoa
Autorea: Joan olozaga eta Pedro Alced
Azpeitian dago eliza hau, antzina Iraurgi esaten zitzaion ibarrean, Urolaren ertzean. Gaur egun erdigunetik aparte samar dago, eta bere arkupeak Joan Antxietaren etxe mudejarraren aurreko plazatxoaren buru egiten du.
Auzo elkarte zenbait eta bertako ermitak Soreasuko San Sebastianen inguruan batu eta horren ondorioz eraikitako eliza da. Uste denez, lehen garai hartan nahiko eraikin kaskarra zen, lurrez eta zurez egina, diotenez Tenplarioen Ordenakoena.
Oinplano basilikala edo laukizuzena du elizak, burualdean abside bakarra du eta hiru habearte. Garaiera berdina dute hirurek eta ganga erretikulatuak dituzte gainean. Oso ganga erretikulatu gutxi da Euskal Herrian. Pilare monozilindriko klasiko handietan bermatuta daude gangak eta pilare horien kapitel doriarretan, kapitelean, obak ageri dira, eta hori Gipuzkoan, Zumarragako Santa Maria elizan izan ezik, beste inon ez da ikusten. Epistola aldean arkupe handi bat dago; beronen fatxada Ventura Rodriguezen planoen arabera egin zen. Arkupe honek hiru bao ditu zirkuluerdiko arkuekin, erdikoa delarik handiena. Erdiko hau lau zutabe doriar handik mugatzen dute, eta arku honen baotik sartzen da arkupera. Erdikoaren ezkerrean eta eskuinean dauden arkuek pilastra binatuak dituzte janbatzat. Ezkerreko aldean, arkupearen atzeko aldean, ate plateresko eder bat dago; bertatik ere sartzen da eliz barrura.
Elementu arkitektonikoei buruz esan behar da kanpandorreari ez zitzaiola elizak duen orientazio bera eman. Sendoa da kanpandorrea, gotorleku gisakoa, eta XIX. mendeko orratz neogotiko batek ematen dio errematea.
Eliza kanpoaldetik harlanduzkoa da; barrualdetik emokatuta dago.