Deskripzioa eta oharrak:

Bermeon, Bizkaiko Golkoan arrantza tradizio handienetakoa duen herrian dago San Frantzisko eliza.

Oinplano angeluzuzena du elizak, habearte bakarra zazpi ataletan zatituta eta burualde poligono formakoa. Alboetako hormetan sei kapera daude, hiru albo bakoitzean. Elizaren oinean dago korua. Gurutze gangaz estalita dago eliza; kaperak gurutze ganga konplexuagoz estalita daude.

Sarbidea arkupe batek babesten du eta argia bao zorrotz batzuetatik sartzen da eliz barrura. Bao horietatik lau burualdean daude eta bi Epistola aldeko horman.

Hareharrizko harlanduz eginda dago.