Itzuli orri osora

Zestoako bainuetxeko geltokia

FITXA

Izena: Zestoako bainuetxeko geltokia

Herria: Zestoa

Eskualde: Urola Kosta

Herrialde: Gipuzkoa

Tipologia Orokorra: Geltokia

Tipologia Zehatza: Trenbideak eta funikularrak

Mendea: XX

hiribildua.Época: Aro Garaikidea

Eraikintza Data: 1926

Autorea: Ramon Kortazar

Gaur egungo deskripzioa:

Urola trenbidearen sareari dagokio eta, haren geltoki guztiak bezalaxe, Ramon Kortazarrek eraiki zuen, 1926an. Zestoako Bainuetxetik gertu dago.

Eraikin angeluzuzena da, bi solairukoa: lehenengoan txartelak saltzeko gela, faktorearen gela eta itxarongela daude, eta bigarrenean etxebizitza.

Hormak adreilu luzituz eginak dira eta beheko aldean harlandua ageri da, halaber ertzetan. Bigarren solairuaren gainean inposta lerro bat ikus daiteke, eta estalkiak lau isurialdeko teilatua du.

Erdiko bi leihoek burdina forjatuzko balkoi bat daukate, erdialdean dekorazioa erradiala ageri duela.

Fatxada nagusian, berriz, garitoiak ageri dira, eta horietako bakoitza errematatuz pinakulu bana ikus daiteke, Bainuetxetik gertu dagoen Lili jauregia gogorarazten dutenak. Fatxada bakoitzean, gainera, idazkun bana dago geltokiaren izenarekin. Horiez aparte, erdialdean armarri bat ageri da erliebean egina, baina barrualdea hutsik dauka. Geltokian Urola trenaren geltokiei dagokien erloju tipikoa ikus daiteke oraindik ere.

Zestoako bainuetxeko geltokia
Zestoako bainuetxeko geltokia