Itzuli orri osora

Kikunbera etxea

FITXA

Izena: Kikunbera etxea

Herria: Bermeo

Helbidea: Txibitxiag, Z/G

Eskualde: Busturialdea

Herrialde: Bizkaia

Tipologia Orokorra: Etxea

Mendea: XX

hiribildua.Época: Aro Garaikidea

Estiloa: Arrazionalista

Eraikintza Data: 1929, 1930

Autorea: Fernando Arzadun

Kikunbera etxeari itsasontzi baten egitura arkitektonikoa eman nahi izan zioten eta, horrenbestez, bizitegi funtzioa eta Bermeoren tradizio historikoa uztartu, herria beti egon baita portuari eta itsasontziei lotua.

Familia bakarreko etxebizitza da, lorategi eta guzti duena, eta Bermeoko portuaren eta Mundakarako errepidearen artean dago, leku paregabean, itsaslabar malkartsuaren gainean.

Fernando Arzadunek egin zuen, Bermeoko arkitekto ezagunak, hala egiteko enkargua eman baitzioten 1920ko hamarkadan. Estilistikoki, euskal arrazionalismoaren barruan sartzen da.

Oinplano konplexua du, laukizuzen formakoa, eta alde batzuk kurbadunak eta bihurriak ditu. Behetik gora, banaketa hau erakusten du: erdisotoa, beheko solairua, solairu nagusia eta, bloke kubikoan, beste bi solairu gehiago. Gorputz kubiko hori dorre moduan irteten da eraikinetik, eta masta bat du goiko aldean.

Fatxada guztiek indartu egiten dute etxebizitzaren itsasontzi forma, izan ere, eraikuntza guztia dago horretara bideratua. Fatxada horien zatirik handiena terrazek, balkoiek eta zirkuluerdiko oinplanoa duten begiratokiek hartzen dute, eta elementu horiek dira hain zuzen aipagarrienak.

Kikunbera etxea