Itzuli orri osora

Plaza Berria

FITXA

Izena: Plaza Berria

Herria: Gasteiz

Helbidea: Plaza Berria,z/g

Auzotegi: Hirigunea

Eskualde: Arabako Lautada

Herrialde: Araba

Tipologia Orokorra: Plazak eta Ateak

Mendea: XVIII

hiribildua.Época: Aro Berria

Estiloa: Neoklasikoa

XVIII. mendearen bukaeran Gasteizen eraikin asko egin zuten. Hiria handitzen ari zen eta, Erdi Aroko hiriguneak horretarako aukerarik ematen ez zuenez, zabalgunea egiten hasi ziren. Plaza Berriko eraikinekin hasi zituzten lan horiek, eta amaitutakoan zabalgunearen zati bat ordenatzera iritsi ziren, baina, hala ere, beste zati handi bat antolatu beharra zegoen: Arkupeetako eraikinekin lortu zuten hori.

Plaza osatzen duten eraikinen barruko fatxadak lerroan jarrita daude, udaletxearena izan ezik (besteak baino irtenago dago). Plaza karratua da, karratu perfektua (67 metro ditu alde bakoitzak), eta arkupe luze-luzeak ditu lau aldeetan.

Plazako eraikinek hiru solairu dituzte; behekoa besteak baino txikiagoa da, barruko arkupeen altuerarekin bat egiten baitu.

Udaletxearen alde nagusian, balkoien gainean dagoen frontoia nabarmentzen da, eta frontoiaren gainean Gasteizko armarria dago.

Plaza harlanduz egina dago, eta Gasteiz zabaltzeko egin zuten lehen ahalegin modernoa da; horrez gain, Euskal Herriko hiri eraikuntzarik aipagarrienetakoa da.

Plaza Berria