Itzuli orri osora

Eibarko udaletxea

FITXA

Izena: Eibarko udaletxea

Herria: Eibar

Helbidea: Untzaga Plaza,1

Auzotegi: Hirigunea

Eskualde: Debabarrena

Herrialde: Gipuzkoa

Tipologia Orokorra: Udaletxea

Mendea: XX

hiribildua.Época: Aro Garaikidea

Estiloa: Barrokoa

Eraikintza Data: Ramon Cortazar

Eibarko udaletxea Ramon Cortazarrek eraiki zuen, mendearen hasieran. Untzaga enparantzan dago, eta eraikin bakartua da guztiz. Kokalekuz aldatu zuten, efektu berezia lortu nahian: eraikinak multzo batean bildu nahi izan zituzten, eta eremu ireki bat sortu, herritarrak biltzeko eta barreiatzeko. Eraikuntza manposteriaz egina dago, harri artifizialezko hornidurekin. Zurerian pinua da nagusi, eta zoladura zurezkoa du.

Zorua porlan armatuz egina du beheko solairuan. Oinplano angeluzuzeneko eraikina da, eta egitura honako hau da: gorputz nagusi bat du erdian, eta alboetan bi zati ditu atxikiak (lehen eskolak izan ziren eta bakoitzak sarrera du).

Beheko solairua eta beste bi gehiago dauzka. Garai batean, eraikinaren egiturak etxarte edo patio bat sortzen zuen erdian, eta atzeko aldearen garaiera txikiari esker ikus zitekeen. Orain dela urte batzuk, ordea, berreraikitzeko lan batzuk egin zituzten, eta eraikuntza trinko bihurtu zuten.

Kanpoko egituraren gauzarik garrantzitsuena fatxada nagusia da. Antzinako udaletxeen itxura eman nahirik edo, beheko solairuan arkupe bat du, eta hutsarte batzuk lehenengo eta bigarren solairuetan. Zirkuluerdiko arkua dute hutsarte horiek, eta modu errepikakor eta simetrikoan jarrita daude.

Alde nagusi horren erdiko zatiak apaindura batzuk ditu: zutabeak eta frontoi moduko bat (erlojua dago han). Gipuzkoako udaletxeek izan duten eraikuntza bilakaeran, Eibarkoa azken aroko adibideetako bat dela esan izan da. Estilo berezia erakusten du apainduretan eta, berantiarra izan arren, estilo neoklasikoaren adibide da.

Eibarko udaletxea