Itzuli orri osora

Gaonatarren Etxea

FITXA

Izena: Gaonatarren Etxea

Herria: Dulantzi

Helbidea: Gasteiz Bidea,12

Auzotegi: Dulantzi

Eskualde: Arabako Lautada

Herrialde: Araba

Tipologia Orokorra: Etxea

Mendea: XVI

hiribildua.Época: Aro Berria

Estiloa: Errenazentista

Landa eremuan egonagatik, arkitektura landuaren eredu ona da Gaonatarren etxea; ezin da zehatz esan noiz egina den, baina badirudi XVI. mendekoa dela.

Eraikin bakartua da, eta Dulantziko iparraldean dago. Sarrerako atearen gainean, Gaunatarren edo Gaonatarren armarria dago, eta hortik eman diote izena etxeari.

Oinplano angeluzuzena du, eta hiru isuriko estalkia. Beheko solairua eta lehenengoa ditu, eta manposteriazko hormekin eginda dago; baoen markoetan eta eskantzuetan harlandua dauka.

Itxura trinko eta itxia du etxeak, izan ere, bao gutxi eta oso txikiak ditu.

Alde nagusia aipatu behar da gauza guztien gainetik, nabarmentzeko moduko bi elementu baititu, interes historiko eta artistiko handikoak: zirkuluerdiko arkua duen ate handi bat, bederatzi dobelarekin hornitua, eta lehen aipatu den armarria.

Gaonatarren Etxea