Itzuli orri osora

Zabala Dorrea

FITXA

Izena: Zabala Dorrea

Herria: Elgoibar

Helbidea: Arriaga,z/g

Auzotegi: Arriaga Auzoa

Eskualde: Debabarrena

Herrialde: Gipuzkoa

Tipologia Orokorra: Dorretxea

Mendea: XVI

hiribildua.Época: Aro Berria

Estiloa: Gotikoa

Zabala dorrea tontor baten gainean dago, eta handik Arriagako ibar guztia ikusten da. Oinplano angeluzuzena du, isuri biko teilatua, eta teilatu gailurra etxearen alde nagusiari buruz perpendikularra da Beheko solairua, lehenengoa eta bigarrena ditu, eta ganbara ere bai. Hormak harlanduxkaz eginak ditu, eta eskantzuetan, baoen markoetan eta sarbideetan harlandua ageri da.

Eraikin hauetan ohi denez, lau aldeetako hormetan, antzinako hutsarteen ondoan, berriagoak ere ageri dira, aldian aldiko beharrei erantzuteko eginak, eta arte baliorik eta ordenarik gabeak. Ekialdera ematen duen fatxadako sarbidearen hutsarteak dira aipagarrienak. Arku zorotzak eta dobelaz hornituak dituzte. Leihoetan, berriz, hamar leiho biki ageri dira, arku zorrotzekin eta leiho-habe edo mainelekin; beste lau ere badira, arku zorrotzekoak.

Hegoaldeko horman, bigarren solairuaren parean, antzinako hutsarte bat itxita ikus daiteke, hori ere arku zorrotzekoa. Mendebaldeko horman, hor ere bigarren solairuaren parean, harlanduz eginiko gorputz angeluzuzen bat ageri da: saietera bat du, hiru modiloiren gainean jarria, eta gainerakoa guztiz hermetikoa eta itxia da.

Eraikin guztiaren inguruan, teilatuaren parean, harrizko modiloiak daude, tartekatu samarrak eta elkarrengandik distantzia berera guztiak. Gaur egun nekazari etxea baldin bada ere, oraindik erakusten ditu garai batean izan zenaren arrastoak.

Zabala Dorrea