Itzuli orri osora

Muntsaratz

FITXA

Izena: Muntsaratz

Herria: Abadiño

Helbidea: Muntsaratz, Z/G

Auzotegi: Muntsaratz

Eskualde: Durangaldea

Herrialde: Bizkaia

Tipologia Orokorra: Jauregia

Mendea: XVI

hiribildua.Época: Aro Berria

Estiloa: Gotikoa, Errenazentista

Bere sailekoen artean, Euskal Herrian dagoen monumenturik estimatuena eta ezagunena da Muntsaratz dorrea. Abadiñoko herrigunetik hiru kilometrora dago. Muntsaratz dorre-jauregi hau Berpizkundeko eraikin garrantzitsua da -tradizio gotikoa ere badu bere baitan-, eta Bizkaiko oruberik zaharrenetako eta ospetsuenetako batean dago.

Harlandua ia erabat nagusi da eraikinean, eta goiko aldean manposteriazko eta zurezko zati batzuk baditu. Lau solairuko dorrea da Muntsarazkoa. Beheko biak itxiak dira, trinkoak, eta horiek ematen diote izaera berezia eraikinari. Sarbidea eta leiho biki estu batzuk ageri dira bertan, arkitektura gotikoaren ohiko tipologiari jarraituz.

Hirugarren solairua, berriz, lotuago dago Berpizkunde garaiko bizitetxeen arkitekturari eta, hala, galeria garai batzuk ditu, zutoinen gainean jarriak. Azken solairuak berriagoaren itxura du eta, beharbada, goialdea moztu ondoren eraiki zuten. Gaur egun gorputz bereizi gisa ageri da, estalkiari eusten diola.

Bizkaian bada beste eraikin bat honen antzekoa, Oxirandokoa (Gordexolan dago). Bietan ageri da egitura gotortu bat, XVI. mendera arte indarrean egon zena, arkitektura landuaren ezaugarri nabarmenez hornitua.

Muntsaratz