Angulo jauregia
FITXA
Izena: Angulo jauregia
Herria: Karrantza
Helbidea: Manzaneda de bianez, 1
Auzotegi: Manzaneda de bianez
Eskualde: Enkarterriko Haranak
Herrialde: Bizkaia
Tipologia Orokorra: Jauregia
Mendea: XVIII
hiribildua.Época: Aro Berria
Estiloa: Barrokoa
Alde nagusian bi pilastra ditu eta, horien tartean, hiru hutsarte ardatz, guztiak dinteldunak. Pinoiaren goiko aldean, berriz, harrizko erlaitza du.
Beheko aldean sarbide nagusia dago, hormaren erdian, marko eta guzti duena. Sarbidearen gainean balkoi forjatu bat dago, eta horren inguruko apaindurak sarbidearenak bezalakoak dira. Ganbarako baoetan ere apaindura berdinak ageri dira. Ganbaran, bao horiek alboetako ardatzetan daude, Angulotarren armarri handi bat erdian dutela. Oso armarri landua da, eta honako idazki hau du: "ESTAS SON LAS ARMAS DE LOS ANGULO/ NOTORIAS EN PROPIEDAD" ("Hauek Angulotarren armak dira, ospe handikoak berez").
Eraikinaren hormak kalitate handiko hareharri landuz eginak daude (alde nagusian ikusi egiten da hareharria, eta ezkerreko aldean kareorez estalita dago). Gainerako aldeetan kareorez estalitako manposteriaz eginda daude hormak.
Alde nagusiaren aurrealdeko inguruan harlauzekin eginiko eremu bat du eraikinak. Xehetasun interesgarriei erreparatzen hasita, nabarmentzekoa da sarbide nagusiak maila oneko burdineria duela, eta logeletako zenbait atek ere bai (gaztelar estilokoak). Leihoen eta balkoien forja lanak ere aipatzeko modukoak dira.
Barruko aldean jauregiek izaten dituzten zenbait elementu baditu, eskailera mailakatua adibidez, eta baserrietan aurkitzen direnak ere bai, ukuilua, esaterako.