Maeztuko geltokia
FITXA
Izena: Maeztuko geltokia
Herria: Arraia-Maeztu
Eskualde: Arabako Mendialdea
Herrialde: Araba
Tipologia Orokorra: Geltokia
Tipologia Zehatza: Trenbideak eta funikularrak
Mendea: XX
hiribildua.Época: Aro Garaikidea
Eraikintza Data: 1925
Autorea: Alejandro Peña Mendizabal
Vasco-Navarro sareari dagokio, eta Alejandro Peña Mendizabalek egin zuen, 1925ean.
Bost solairuko eraikin angeluzuzena da. Beheko oina tren zerbitzuetarako egokitu zen, eta goiko solairuak, berriz, langileentzako etxebizitzak ziren.
Betoizko pilareak dauzka, eta hormak harlanduz eta adreilu luzituz eginak dira. Teilatu osagai ugariko batek estaltzen du eraikina, maila desberdinetan, teila arabiarrarekin. Eraikinaren arkitektura bera motibo apaingarria da, hain da-eta konplexua.
Fatxada nagusian hiru sarrera ikus daitezke, adreilua agerian dutela, eta trenbidera ematen duen fatxadan bost sarrera daude. Solairu bakoitzean leiho ardatz bat dago, eta metalezko markesina irten bat ageri da.
Geltoki multzoa Peña Mendizabalek berak eraikitako merkantzietarako nasa batekin osatzen da, geltokian hartzen eta bertatik bidaltzen ziren merkantziak biltzeko erabiltzen zena. Eraikin angeluzuzena da, solairu bakarrekoa eta bi gorputzez osatua, bata irekia eta bestea itxia. Azken horretako estalkia lau pilare forjaturen gainean bermatzen da, eta ate gidaridunak dauzka. Zabalik dagoen esparruan, goiko aldean, zurezko itxitura eder bat ageri da. Mendiko nekazaritzaz arduratzen den "Mendikoi" elkartearen egoitza da gaur egun.