Deskripzioa gaur egun:

Teileria San Agustin Etxebarriko monumentu multzotik 50 m ingurura dago. Bertan, gune espiritualaz gainera, ekoizpen gune handi bat dago, eta bertan daude teileria eta ola. Teileria ez da oso ondo kontserbatu, baina interesgarria da, Bizkaian geratzen diren arabiar estiloko azken teila- eta adreilu-labe bakarrenetakoa delako.

Datu historikoak:

Teilerian XVIII. mende hasieratik XIX. mende amaierara egin zen lan. Multzoaren jabetza zelula erlijioso-ekonomiko hau gobernatu zuten familia aristokratiko hainbaten esku egon zen.

Ekoizpen prozesua:

Produkzio zikloa buztinezko lurren prozesuarekin hasten zen. Lurrarekin masa egin eta gero, eskuz modelatzen zen. Lortutako blokeak banan-banan jartzen ziren lehortzen eta, ondoren, labean sartzen ziren, 800-900ºC-ko tenperaturan egos zitezen. Labea otez eta egurrez elikatzen zen, eta kargatzeko piezak meta koniko batean pilatzen ziren, aurreko labealdietan baztertutako zeramika puskaz eta lurrez estalita, zulorik utzi gabe, beroak alde egin ez zezan.