Deskripzioa eta oharrak:

Ermita hau Markinako Barinaga auzoan dago, Etxarte baserriaren ondoan, gain batean, eta bertatik bista ederrak ikusten dira.

Eraikin berezia da, oinplano angeluzuzena duena eta lau isurkiko estalkia.

Bi sarrera ditu: bata, oinean, zirkuluerdikoa, molduratua, eta bertatik, atrio bat zeharkatuta, ermitan sartzen da; bestea ere zirkuluerdikoa da, eta hegoaldera begira dago.

Ermitak hiru bao ditu eta bao bakarreko kanpai horma zarpail samarra, kanpai bat gordetzen duena, gurutze metaliko batez errematatuta.

Ermita manposteriaz egina da, eta harlandua sarreretan eta ertzetan baino ez da ageri.