Ama Birjina Sortzez Garbiaren eliza
FITXA
Izena: Ama Birjina Sortzez Garbiaren eliza
Herria: Elorrio
Helbidea: Gernikako Arbola plaza, z/g
Auzotegi: Herrigunea
Eskualde: Durangaldea
Herrialde: Bizkaia
Tipologia Orokorra: Eliza
Tipologia Zehatza: Arkitektura Erlijiosoa
Mendea: XV
Beste Mendeak: XVI
Estiloa: Gotikoa
Beste Estiloak: Errenazentista
Balioa: Oso ona.
Kontsebazioa: Ona oro har.
Jabetasun: Ondare Erlijiosoa
Jatorrizko Erabilketa: Erlijiosoa
Eraikintza Data: 1459
Akatsak: Akats txikiak estalkietako zenbait gune jakinetan.
Gaur Egungo Erabilketa: Erlijiosoa
Santa Maria eliza Elorrioko eraikinik interesgarrienetakoa da.
Oinplano angeluzuzena du, abside poligonala sortaldetik eta kanpandorrea hego-sartaldetik. Ipar eta sartaldeko sarbideak izan ezik, eliza osoa arkupe batek inguratzen du. Eliza arkitektonikoki nahiko uniformea da, dorrea izan ezik: dorrean bi leiho ageri dira frontoi zirkulu formakoarekin, eta beste bat hiru zatiko frontoiarekin.
Portada bat, iparraldera dagoena, ataripe handi baten azpian babestuta dago. Bertan ikus daitezke arku konopial bat eta arku eskartzano bat. Azken hau baketoi poligono formakoek koroatzen dute eta erditik zintzilik San Migelen irudia ageri da. Oroz gainetik Ama Birjinaren irudi polikromatu bat ageri da sarbidearen gainean. Beste sarbideak, sartaldera dagoenak, ojiba arku bat du eta baketoiak. Arku horren barruan beste arku eskartzano bat dago arkiboltetan irudiak dituela.
Eraikinaren hormei kanpoaldetik kontrahorma sendoek eusten diete, eta horien tartean zortzi bao daude, guztiak zirkuluerdikoak, mainelarekin. Sarrera nagusiko horman hirusta formako arrosa leiho bat dago.