Andre Maria Jasokundekoaren eliza
FITXA
Izena: Andre Maria Jasokundekoaren eliza
Herria: Zigoitia
Helbidea: Eliza Bidea
Auzotegi: Etxebarri-Ibiña
Eskualde: Gorbeialdea
Herrialde: Araba
Tipologia Orokorra: Eliza
Tipologia Zehatza: Arkitektura Erlijiosoa
Mendea: XV
hiribildua.Época: Aro Berria
Beste Mendeak: XVI
Estiloa: Gotikoa
Beste Estiloak: Errenazentista
Balioa: Nahiko ona.
Kontsebazioa: Ona oro har. Eskasa zenbait gunetan.
Jabetasun: Ondare Erlijiosoa
Jatorrizko Erabilketa: Erlijiosoa
Akatsak: Akats larriak hormetako zenbait gune jakinetan. Akats larriak gangetako zenbait gunetan.
Gaur Egungo Erabilketa: Erlijiosoa.
Gasteiztik Altsasuko errepidean, Zigoitiko Etxebarri-Ibiña auzoko sarreran dago eliza.
Oinplanoa bi habearterekin du, bata nagusia eta bestea, ezkerraldean, bigarren mailakoa; horren bigarren atalean kapera bat dago sakristiaren ondoan. Habearte nagusiak bi atal ditu eta burualdea: atal nagusia, hiru hormatalekin, oktogono formakoa da; albokoak, alabaina, aurrealde laua du. Habearte nagusia, presbiterioan, ganga izartu batez estalita dago, lehen atala tertzeletez eta azkenekoa tertzelete bikoitzez. Alboko habeartea presbiterioan ganga izartu batez estalita dago eta tertzeletez gainerakoan. Giltzarriak apainduta daude. Bi zutabe lodik bereizten dituzte habearteak, eta horietatik bata oktogono formakoa da eta bestea zilindro formakoa. XVI. mendean egin ohi zirenen antzekoak dira kapitelak. Beste aldean, mentsulen gainean bermatuta dago ganga. Iparraldeko horman pilastra eta zutabeerdien gainean dago ganga bermatuta. Burualdean zirkuluerdiko leiho bat ikusten da eta habeartearen lehen atalean okulu bat.
Alboko kaperako ateak zirkuluerdi bikoitzeko arkua du, eta inpostan Betolaza-Zaratetarren armarriak ageri dira zati batean eta Hurtado de Mendozatarrenak beste batean. Gurutze ganga, tertzeletez hornitua, XVI. mendekoa da. Zur landuz egindako goi koru interesgarria dago oinean, XVI. mendekoa. Mende berekoak dira bataiarria eta sakristia.
Manposteriaz egina da eraikina. Burualdean kontrahormak dauzka. Iparraldeko horman dago sakristia. Hegoaldean arkupe bakun bat ageri da elizari atxikia; sarrerako atea ere bertan dago. Sortaldean aurkitzen da kanpandorre neoklasiko liraina: manposteriaz egina da beheko zatian, harlanduzko pilastra angeluarrekin. Erlaitz handi batek bereizten du harlanduz egindako ezkilategia.
Erretaula nagusia, XVI. mende hondarrekoa edo XVII. mende hasierakoa, interesgarria da.