Deskripzioa eta oharrak:

Enkartarrin dago Guenes, Bizkaiko probintzian, sartaldean. Aranguren eta Galdamesen arteko bidegurutzearen ondoan dago eliza.

Areto erako oinplanoa du elizak, garaiera berdineko hiru habearte ditu, hirurak abside poligonal batekin -bost alde ditu absideak-, eta kanpandorrea.

Gurutze ganga ederrekin estalita dago Santa Maria; kanpoko alboko kontrahormek eusten dieten hormetan bermatuta daude gangak.

Barrura sartzeko bi sarbide dira: bata oinean eta bestea alboan, Ebanjelio aldean zehatz esanda. Lehenbizikoa oso klasikoa da; zirkuluerdiko arku bat eta dobela kaxadunak, taulamendu bati eta frontoi bati eusten dieten zutabeekin inguratuta; frontoiaren alde banatan pinakuluak ikusten dira. Beste sarbidea oso landua da: portada handi txaranbeldua du, arku zorrotz bat moldatzen duten arkiboltekin, eta hauek sokaz eta bolaz apainduta daude; tinpanoan Ama Birjinaren irudia ikusten da ondoan bi aingeru dituela.

Hareharrizko harlanduz egina da eliza.

Barruan gauza eder asko da, baina ororen gainetik erretaula nagusia nabarmentzen da, XVII. mendekoa.