Itzuli orri osora

Katedral Berria

FITXA

Izena: Katedral Berria

Herria: Gasteiz

Helbidea: Magdalena-Prado

Auzotegi: XIX. Mendeko Zabalgunea

Eskualde: Arabako Lautada

Herrialde: Araba

Tipologia Orokorra: Katedrala

Mendea: XX

hiribildua.Época: Orainaldiko Aroa

Estiloa: Historizista

Beste Estiloak: Neogotikoa

Balioa: Nahiko ona.

Kontsebazioa: Ona oro har.

Jabetasun: Ondare Erlijiosoa

Jatorrizko Erabilketa: Erlijiosoa

Eraikintza Data: 1905

Gaur Egungo Erabilketa: Erlijiosoa

Autorea: Javier Luque eta Julian Apraiz

Deskripzioa eta oharrak:

Eraikin egin berria da, Jose de Cadena Eleta gotzainaren aginduz 1905. urtean hasi baitziren eraikitzen. Magdalena, Prado eta Castilla kaleen artean zegoen Brigida mojen komentuaren orubean eraiki zen katedrala. Javier Luque eta Julian Apraiz arkitektoen proiektuari jarraituz, aldi desberdinetan egin zen eliza, neogotiko estiloan. Eliza jasotzen 1905. urtean hasi ziren, baina 1914an eraikitzeari utzi egin behar izan zioten 32 urtez; 1946. urtean, Carmelo Ballester Nieto gotzainaren aginduz, berriro ekin zitzaien obrei Emilio Apraiz arkitektoaren gidaritzapean. 60ko urteetan inauguratu zen. Ezin da esan alabaina erabat bukaturik dagoenik, elementu eskultoriko asko falta baita.

Gurutze latindar formako oinplanoa eta bost habearte ditu elizak, eta burualdea girolarekin, bertan, bata bestearen ondoan, zazpi kapera direla. Horiez gainera sakristia eta kripta ditu. Arku zorrotzak, triforioa eta leihate handi batzuk beren beirateekin dira gehien nabarmentzen direnak.

Hiru sarbide ditu eta berorietara joateko harmaila handi batzuetatik igo behar da.

Kripta, traskoru, giltzarri eta kapiteletan eskultura apaingarri ederrak ikus daitezke. Eskultura horiek zenbait maisuz osatutako lantegi bikain batek egin zituen; horien artean ziren Federico Galcera eta Emilio Molina.