Bilduma guztia Theo van Gogh (1857-1891) Vincent-en anaia gazteenak zeukan. Hau hil zenean bere alargun Johanna van Gogh-Bonger-ek (1862-1925)eskuratu zuen. Zenbait lan saldu bazituen ere, gehienak mantendu egin zituen. Hau hil zenean, 1925ean, bere seme Vincent Willem van Gogh-ek (1890-1978) jaso zuen bilduma. 1962an, Herbeheretako estatuak hala erabakita, Vincent van Gogh Fundazioaren eskutan geratu zen. Museoak XIX. mendeko beste artista askoren lanak ere baditu, Paul Gauguin eta Henri de Toulouse-Lautrec-enak, besteak beste eta baita Van Gogh anaiek miresten zituzten artista zaharragoen obra batzuk ere. Jatorrizko bilduma aberastu egin da erosketa bidez eta epe luzerako beste erakunde batzuetatik arte-lanak mailegatuz.