Abangoardiako eraikinak altxatzeagatik ospea lortu arren, Le Corbusier-ek idazki asko utzi ditu, gehientsuenak L'Espirit Nouveau aldizkarian argitara emandako artikuluetan agertu zirenak. Haietan zabaldu zituen ikuspegi teorikoek ere eragin handia izango dute. Margo eta eskultura-lanak ere utzi zituen.

Mugimendu modernoaren bultzatzaile, Le Corbusier-entzat, arkitektura, sorkuntza arrazionala da, material berrien erabilera logikoan oinarriturik: hormigoi armatua eta dimentsio handitako beira, besteak beste. Eta etxea, bizitzeko makina bat (machine à habiter) edo erabilgarria den gauzatzat hartzen du; garai hartan gertatzen ari ziren aurrerapen industrialekin bat etorriz.